پی ٹی آئی نے 14 منحرف ارکان اسمبلی کو شوکاز نوٹسز جاری کر دئیے

اسلام آباد:پاکستان تحریک انصاف نے پارٹی کے 14 منحرف ارکان اسمبلی کو شوکاز نوٹسز جاری کر دئیے۔ پی  ٹی آئی کی  جانب سے  جن ارکان اسمبلی کو نوٹسز جاری کیے گئے ہیں ان میں  نور عالم خان، افضل ڈھانڈلہ، نواب شیر وسیر، راجہ ریاض اوراحمد حسین ڈیہڑ شامل  ہیں۔

رانا قاسم نون، عبدالغفار وٹو، مخدوم باسط سلطان، عامر طلال گوپانگ، خواجہ شیراز، سردار ریاض مزاری، رمیش کمار، وجیہہ قمر اور نزہت پٹھان کو بھی نوٹسز جاری کیے گئے ہیں۔

شوکاز نوٹسز پر پارٹی کے سیکریٹری جنرل اسد عمر نے دستخط کیے ہیں جب کہ نوٹس میں منحرف ارکان سے ان کے عمل کی وضاحت طلب کی گئی ہے، ارکان کو 7 روز کے اندر معافی مانگ کر غیر مشروط طور پر پارٹی میں واپس آنے کی مہلت دی گئی ہے اور کہا گیا ہے کہ اگر 7 روز تک جواب نہ ملا تو ارکان کے خلاف قانونی کارروائی کی جائے گی۔