پی ٹی آئی رہنما اسد قیصر اور تیمور جھگڑا سمیت متعدد امیدواروں کے کاغذات منظور

 اسلام آباد:الیکشن ٹربیونلز نے پی ٹی آئی رہنما اسد قیصر اور تیمور جھگڑا سمیت متعدد امیدواروں کے کاغذات منظور کرلیے۔   

ہائی کورٹس کے الیکشن ٹربیونلز میں ریٹرننگ آفیسرز کی جانب سے کاغذات نامزدگی مسترد ہونے کیخلاف امیدواروں کی اپیلوں کی سماعتیں جاری ہیں۔     اپیلوں کے فیصلوں میں  چار روز باقی ہیں ۔   10 جنوری تک تمام فیصلے سنادئیے  جائیں گے۔

راولپنڈی میں الیکشن ٹربیونل نے چکوال سے فوزیہ بہرام کے کاغذات منظور کرتے ہوئے ریٹرننگ آفیسر کے اعتراضات مسترد کردئیے۔ ٹربیونل  نے   انہیں الیکشن لڑنے کی اجازت دے دی۔

  پشاور میں الیکشن ٹربیونلز نے  سلیم جھگڑا، سد قیصر ، شیر علی ارباب کی اپیلیں منظور کرلیں۔ ااین اے 36 ہنگو سے پی ٹی آئی ہنگو کے صدر یوسف خان کی اپیل بھی منظورکرلی گئی۔

پشاور کے تین ٹربیونلز نے  38 اپیلوں پر سماعت  کرتے ہوئے  33 اپیلیں منظور ، چار مسترد کردیں۔  راولپنڈی میں الیکشن ٹربیونل  کےسربراہ  نے  پی ٹی آئی کے  تمام امیدواروں  کے کاغذات نامزدگی منظورکرلیے۔  ان میں واثق قیوم عباسی، میجر طاہر صادق،  اہلیہ ناز صادق ، راجہ بشارت شامل ہیں۔   کرنل اجمل صابر، مرتضیٰ ستی، طارق مرتضی، سیمابیہ طاہر،  راجہ راشد حفیظ کے کاغذات بھی  منظور  ہوگئے ۔

   سندھ میں الیکشن ٹریبونل نے  این اے 243 سے پی ٹی آئی  سبحان ساحل،این  اے  242 سے امجد آفریدی کے  کاغذات نامزدگی منظورکرلیے۔  پی ایس 113 کے حسنین چوہان، ہالہ سے مخدوم فضل کی اپیلیں بھی  منطور کرلیں۔

مریم نواز کے کاغذات منظوری کے خلاف اپیل خارج 

ادھر لاہور ہائیکورٹ میں ایپلیٹ ٹریبیونل نے پی پی 80 سرگودھا سے مریم نواز کے کاغذات نامزدگی منظوری کے خلاف اپیل خارج کرتے ہوئے ان کے کاغذات نامزدگی درست قرار دے دیے۔