رمضان المبارک کا چاند نظر آگیا،کل پہلا روزہ ہوگا 

رویت ہلال کمیٹی کے چیئرمین نے پاکستان بھر میں 1445 ہجری کا چاند نظر آنے کا اعلان کردیا۔ملک بھر میں کل پہلا روزہ ہوگا۔

چیئرمین مولانا عبدالخبیرکی زیر صدارت مرکزی اجلاس پشاورجبکہ زونل کمیٹیوں کے اجلاس دیگر شہروں میں ہوا۔لاہور کی زونل کمیٹی کو چاند نظر آنے کی نہ صرف شہادت موصول ہوئی بلکہ اجلاس میں شریک اراکین نے اس کا مشاہدہ بھی کیا۔ اس کے بعد اسلام آباد، پشاور اور دیگر شہروں میں بھی چاند دیکھا گیا۔

چیئرمین رویت ہلال کمیٹی نے مرکزی اجلاس کے بعد میڈیا سے گفتگو میں رمضان المبارک کے آغاز کا اعلان کیا ۔ چیئرمین نے بتایا کہ ملک کے مختلف علاقوں سے چاند نظر آنے کی شہادتیں موصول ہوئیں۔

صدر مملکت آصف علی زرداری نے رمضان المبارک کے آغاز پر امت مسلمہ اور پاکستانیوں کو مبارک باد پیش کی ۔ صدر نےدعا کی ہے کہ ’اللہ رب العزت ماہ مبارک کی نعمتوں میں مستفید ہونے کی توقیق عطا فرمائے۔ پاکستان کو دن گنی رات چوگنی ترقی عطا فرمائے۔

وزیراعظم پاکستان شہباز شریف سمیت دیگر شخصیات نے بھی رمضان المبارک کے آغاز پر قوم اور امت مسلمہ کو مبارک باد پیش کی ہے۔ پاکستان کو اپنی دعاؤں میں یاد رکھیں۔