پی ٹی آئی کے 11 ارکان اسمبلی کے استعفے منظور کر لئے گئے

اسلام آباد : اسپیکر راجہ پرویز اشرف نے پاکستان تحریک انصاف کے 11 مستعفی ارکان اسمبلی کے استعفے منظور کر لئے۔ اسپیکر قومی اسمبلی نے دو مخصوص نشتوں پر استیعفے منظور کئے ہیں۔ پی ٹی آئی ارکان اسمبلی نے 11 اپریل 2022 کو اپنی نشستوں سے استعفے دیے تھے

ترجمان قومی اسمبلی سکرٹریٹ کے مطابق اسپیکر قومی اسمبلی راجہ پرویز اشرف نے پاکستان تحریک انصاف کے 11 مستعفی ارکان اسمبلی کے استعفے منظور کر لیے ہیں۔قومی اسمبلی سیکرٹریٹ کی جانب سے منظور شدہ استعفوں کا نوٹیفیکیشن جاری کیا گیا۔

ترجمان قومی اسمبلی سکرٹریٹ کا کہنا ہے کہ اسپیکر راجہ پرویز اشرف نے استعفے آئین کے آرٹیکل 64 کی شق (1) کے تحت تفویص اختیارات کو بروئے کار لاتے ہوئے کیا۔ استعفوں کے نوٹیفیکیشن الیکشن کمیشن کو بجھوا دیے گیے۔  اسپیکر نے ممبران اسمبلی علی محمد خان ، فصل محمد خان، شوکت علی ، فخر زمان خان ، فرخ حبیب، اعجاز احمد شاہ، جمیل احمد خان، محمد اکرم چیمہ، اور عبدالشکور شاد کے استیعفے منظور کیے ہیں۔ مخصوص نشت پر ،ڈاکٹر شیریں مزاری اور شندانہ گلزار خان  کے استعفے بھی منظور کئے گئے ہیں۔ ترجمان قومی اسمبلی کے مطابق پی ٹی آئی ارکان اسمبلی نے 11 اپریل 2022 کو اپنی نشستوں سے استعفے دیے تھے