روہت شرما ٹی ٹوئنٹی کپتان مقرر،ویرات کوہلی اسکواڈ سے بھی ڈراپ

روہت شرما کو دورہ نیوزی لینڈ کے لیے ٹی ٹوئنٹی کا کپتان مقرر کردیا گیا ہے جب کہ ویرات کوہلی کو اسکواڈ میں بھی منتخب نہیں کیا گیا۔ بھارتی کرکٹ بورڈ نے دورہ نیوزی لینڈ کے لیے سولہ رکنی اسکواڈ کا اعلان کردیا ہے ،گزشتہ روز بطور کپتان اپنا آخری میچ کھیلنے والے ویرات کوہلی سمیت کئی سینئر کھلاڑیوں منتخب نہیں کیا گیا جن میں محمد شامی، روینڈرا جڈیجا، جسپرٹ بمرا اور ہارڈک پانڈیا شامل ہیں۔

https://twitter.com/BCCI/status/1458074598617108482?s=20

نیوزی لینڈ کے خلاف ٹی ٹوئنٹی سیریز کے لیے تجربہ کار بلے باز روہت شرما کو ٹیم کا کپتان منتخب کیا گیا ہے اور کے ایل راہل بطور نائب کپتان میدان میں اتریں گے جب کہ آئی پی ایل میں اچھی کارکردگی دکھانے والے نوجوان کھلاڑیوں کو بھی اسکواڈ میں شامل کیا گیا ہے۔

بھارت اور نیوزی لینڈ کے درمیان 3 ٹی ٹوئنٹی اور 2 ٹیسٹ میچز کی سیریز شیڈول ہے۔ ٹی ٹوئنٹی سیریز کے میچ 17، 19 ور 21 نومبر کو کھیلے جائیں گے۔