اسلام آباد میں اسکول طالبہ کیساتھ اجتماعی زیادتی، ملزمان گرفتار

 اسلام آباد: وفاقی دارالحکومت میں تھانہ شالیمارکی حدودمیں سترہ سالہ طالبہ کے ساتھ اسلحہ کی نوک پر اجتماعی  زیادتی  کرنیوالے تینوں ملزمان پولیس نےمختلف مقامات پر چھاپے مارکرگرفتارکرلئے ہیں۔

پولیس کومتاثرہ طالبہ کی والدہ نے مقدمہ درج کراتے ہوئے بتایا کہ انکی بیٹی سیکٹر ای نائن میں اپنے گھر سے صبح آٹھ بجے سکول کے لئے گئی اورواپس جب گھر تین بجکر تیس منٹ پرپہنچی توانہوں نے دیکھا کہ انکی بیٹی پریشان ہے۔اسکا سکول یونیفارم بھی پھٹاہواتھا توانہوں نے اپنی بیٹی سے پوری چھان بین کی تو اس نے بتایاکہ وہ اسکول کے لئے گھر سے نکلی تو آگے سکول کے گیٹ پرآنش نامی لڑکا کھڑا تو جس سے اسکی تھوڑی بات چیت تھی ۔آنش باتوں باتوں میں اسے بہلا پھسلا کراپنے گاوں سینٹاری لے گیاجہاں پر ایک مکان تھا۔ وہاں پر اسکے دوست جنید ، افادملک عرف فادی اورحسن شکیل پہلے سےموجودتھے۔انہوں نے کمرہ کا دروازہ بند کردیا۔سب سے پہلے افادملک عرف فادی نے میری کنپٹی پر پستول رکھ دیا اورگن پوائنٹ پراسکے ساتھ جنسی زیادتی کی اس دوران جنید کمرے میں موجود رہا جبکہ آنش اورحسن شکیل کمرے سے باہر چلے گئے۔میں نے روکا تومجھے جنید نے مارا پیٹا جبکہ افراد ملک عرف فادی نے بالوں سے پکڑ کر گھسیٹا ، تشدد کانشانہ بنایا۔ میرے شور کرنے پر کمرے کے باہرموجود آنش اور حسن شکیل بھی کمرہ کے اندر آگئے جنہوں نے اسے تشدد کانشانہ بنایا اور نازیبا حرکات کیں۔ اسکے جسم کونا تے رہے ۔تینوں ملزمان نے زیادتی کی ۔اس پرشالیمار پولیس نے ملزمان کے خلاف مقدمہ درج کرلیا۔

پولیس ذرائع کے مطابق ملزمان کی فوری طور پر گرفتاری کے لئے الگ الگ پولیس ٹیمیں تشکیل دیں جنہوں نے چار مختلف مقامات پر چھاپے مارے ۔ مرکزی ملزم آنش کو سیکٹر ائچ نائن سے جبکہ دو دیگر ملزمان کوسینیاڑی گاوں سے گرفتار کرلیاہے۔پولیس ذرائع کے مطابق گرفتار ملزمان کی شناخت پریڈ مکمل کرلی گئی ہے جس میں متاثرہ طالبہ نے تینوں ملزمان کوشناخت کیا اور پولیس کوبتایاکہ ان ملزمان نے ہی اسکے ساتھ زیادتی کی۔پولیس نے ملزمان سے واردات میں استعمال ہونیوالاپستول بھی برآمد کرلیاہے جبکہ تینوں ملزمان نے طالبہ کے ساتھ زیادتی کرنے کے جرم کااعتراف کرلیاہے۔