دہشتگردوں کا شمالی وزیرستان میں فوجی قافلے پر حملہ،پاک فوج کے 7جوان شہید

 اسلام آباد: دہشتگردوں کا شمالی وزیرستان میں فوجی قافلے پر حملہ،پاک فوج کے سات جوان جام شہادت نوش کر گئے ۔ پاک فوج کی جوابی فائرنگ میں چار دہشتگرد مارے گئے ۔

آئی ایس پی آر کے مطابق شہدا ء میں 36 سالہ حولدار طارق یوسف، 34 سالہ سپاہی سلمان وقاص،26 سالہ جنید علی ، 27 سالہ اعجاز حسین ،25 سالہ وقار احمد، 24 سالہ محمد جواد امیر اور 23 سالہ سپاہی سید ارشد علی شامل ہیں۔ شہید حولدار طارق یوسف کاتعلق فیصل آباد ، سپاہی سلمان وقاص اور سپاہی جنید علی کا تعلق لیہ،سپاہی اعجاز حسین کا خیرپور ، وقار احمد کا میرپور خاص ، محمد جواد امیر کا تعلق چکوال جبکہ سپاہی سید ارشد علی کا تعلق صحبت پور سے ہے۔

ترجمان پاک فوج کاکہناہے کہ دہشت گردوں کے خاتمے کے لیے علاقے میں کلیئرنس آپریشن جاری ہے، پاک فوج دہشت گردی کی لعنت کو ختم کرنے کے لیے پرعزم ہے،ہمارے بہادر جوانوں کی قربانیاں ہمارے عزم کو مزید مضبوط کرتی ہیں۔