جتنا سیاسی گند پڑھ گیا ہےدس سے پندرہ روز میں صاف ہوجائے گا، شیخ رشید

اسلام آباد : سابق وزیرداخلہ شیخ رشید نے کہا ہے کہ پہلے مجھے قتل کی دھمکیاں مل رہی تھی اب لال حویلی کے اوپر ڈرون چلایا جارہا ہے جس کی ویڈیو حکام بالا کو بھیج رہے ہیں۔ جتنا سیاسی گند پڑھ گیا ہےدس سے پندرہ روز میں صاف ہوجائے گا۔

عوامی مسلم لیگ کے سربراہ شیخ رشید نےاپنے ٹویٹ پیغام میں کہا کہ رات کے اندھیرے میں ہنگامی کابینہ بلائی جاتی ہے اور رات کے اندھیرے میں ہی منسوخ کردی جاتی ہے،ان کی خواہشیں خبر نہیں بن سکتی۔

رات کے اندھیرے میں ہنگامی کیبینٹ بلائی جاتی ہے اور رات کے اندھیرے میں ہی منسوخ کردی جاتی ہے،ان کی خواہشیں خبر نہیں بن سکتی آصف زرداری بھی سازش میں کمیٹی ڈالنے کے لیے اسلام آباد پہنچ گئے ہیں،حکومت سیاسی فائربال سےکھیل رہی ہے جتنا سیاسی گند پڑھ گیا ہے١٠ سے١٥روز میں صاف ہوجائے گا۔

— Sheikh Rashid Ahmed (@ShkhRasheed) November 17, 2022

شیخ رشید نے کہا کہ آصف زرداری بھی سازش میں کمیٹی ڈالنے کیلئے اسلام آباد پہنچ گئے ہیں،حکومت سیاسی فائربال سےکھیل رہی ہے جتنا سیاسی گند پڑھ گیا ہےدس سے پندرہ روز میں صاف ہوجائے گا۔

شیخ رشید کا کہنا تھا کہ پہلے مجھے قتل کی دھمکیاں مل رہی تھی اب لال حویلی کے اوپر ڈرون چلایا جارہا ہے جس کی ویڈیو حکام بالا کو بھیج رہے ہیں۔ یہ عمران خان کے لانگ مارچ سے پہلے اور اس کے دوران پنڈی میں شرارت کرنا چاہتے ہیں،ناکامی ان کا مقدر ہے۔

شیخ رشید کا کہنا تھا کہ پنڈی پرامن شہر ہے،میں کمیٹی چوک میں لانگ مارچ کا استقبال کروں گا۔