فرانسیسی طیارہ امدادی سامان لیکر اسلام آباد پہنچ گیا

اسلام آباد : فرانسیسی طیارہ سیلاب متاثرین کیلئے امدادی سامان لیکر  اسلام آباد انٹرنیشنل ائیرپورٹ پر  پہنچ گیا ہے۔

ترجمان وزارت صحت کے مطابق وفاقی وزیر صحت عبدالقادر پٹیل نے فرانسیسی سفیر کا استقبال کیا۔

میڈیا سے گفتگو کرتے ہوئے وفاقی وزیرصحت عبدالقادر پٹیل نے کہا کہ مصیبت کی اس گھڑی میں فرانس حکومت اور عوام کا دل سے مشکورہیں۔ فرانسیسی سفیر  اپنے ملک جا کر امدادی سامان کے ہراہ پاکستان تشریف لائے۔ امدادی سامان میں  سیلابی پانی نکالنے والے بڑ ے بڑے پمپ بھی شامل ہیں۔ فرانس کی جانب سے ڈاکٹرز اور  ٹریننگ دینے والے ماہرین بھی ساتھ ہیں۔

Aid has arrived for flood victims from France#humanity pic.twitter.com/FSUDPuq5j4

— Aimen Syed@info (@AimenSyed6) September 3, 2022

وفاقی وزیر صحت عبدالقادر پٹیل نے کہا کہ دونوں ممالک میں سفارتی سطح پر دیرینہ تعلقات ہیں۔ ڈاکٹرز کی ٹیمیں اور تربیتی ا سٹاف بھی امدادی سامان کے ہمراہ موجود ہیں۔ پورا ملک سیلاب کی زد میں ہے، سندھ اور بلوچستان میں بہت تباہی ہوئی ہے۔ سیلاب کی وجہ سے سندھ اور بلوچستان میں صحت کا نظام شدید متاثر ہے۔

قادر پٹیل کا کہنا تھا کہ سیلاب متاثرین کی بحالی کیلئے حکومت چین سے نہیں بیٹھے گی۔