یونس خان نے 2009 کی ٹرافی جیتنے پر کیا کہا؟ شعیب ملک قصہ بتاتے ہوئے رو پڑے
یونس میرے پاس آئے اور کہا پیڈ پہن لو، اگر کوئی آؤٹ ہوا تو تم جاؤ گے، اس وقت مجھے احساس ہوا یونس نے اس لیے مجھے کہا کیونکہ 2007 کے ورلڈ کپ فائنل میں میچ ختم نہیں کر سکا تھا تو اب یہ جائے اور وننگ شاٹ یہ کھیلے، سابق کپتان مصباح الحق
اسلام آباد : قومی کرکٹ ٹیم کے سابق کپتان اور آل راؤنڈر شعیب ملک 2009 کے ٹی ٹوئنٹی ورلڈکپ جیتنے کے بعد اُس وقت کے کپتان یونس خان کا ایک قصہ بتاتے ہوئے آبدیدہ ہوگئے۔
سابق کپتان مصباح الحق نے 2009 کے ٹی ٹوئنٹی ورلڈکپ فائنل کا بتاتے ہوئے کہا پاکستان کی بیٹنگ کے وقت کریز پر شعیب ملک اور شاہد آفریدی تھے جس کے بعد یونس خان نے جانا تھا۔
مصباح الحق نے کہا یونس میرے پاس آئے اور کہا پیڈ پہن لو، اگر کوئی آؤٹ ہوا تو تم جاؤ گے، اس وقت مجھے احساس ہوا یونس نے اس لیے مجھے کہا کیونکہ 2007 کے ورلڈ کپ فائنل میں میچ ختم نہیں کر سکا تھا تو اب یہ جائے اور وننگ شاٹ یہ کھیلے۔
سابق کپتان نے کہا یونس چاہتے تو جا سکتے تھے کیونکہ ایک ہی رن چاہیے تھا لیکن انہوں نے مجھے بھیجا اور یہ لمحہ میرے لیے بہت ہی خاص تھا۔
پروگرام کے میزبان فخر عالم کے سوال پر شعیب ملک نے بھی ایک قصہ سنایا جسے بتاتے ہوئے وہ اپنے آنسو قابو میں نہ رکھ پائے۔
شعیب ملک نے کہا جب ہم 2009 کا فائنل جیتے تو یونس خان نے مجھے بلایا اور کہا تم ٹرافی پکڑو گے، اور یہ میرے لیے انتہائی خاص اور خوبصورت لمحہ تھا اسی دوران شعیب ملک آبدیدہ ہوگئے۔
Comments are closed.