مسلم لیگ ن  نے الیکشن 2024 کے لیے انتخابی منشور کا اعلان کردیا

پاکستان مسلم لیگ ن نے الیکشن 2024 کے لیے اپنا انتخابی منشور پیش کردیا۔ پاکستان مسلم لیگ ن کے قائد نوازشریف کی صدارت میں پارٹی سیکرٹریٹ ماڈل ٹاؤن میں منشور پیش کیا گیا۔

منشورکے چیدہ چیدہ نکات میں زراعت کی جدت کے ذریعے کسان کی خوشحالی شامل ہے۔ موسمیاتی تبدیلیوں کے اثرات سے ملک کو محفوظ بنایا جائے گا۔

آئینی، قانونی، عدالتی و انتظامی اصلاحات کی منصوبہ بندی کی جائے گی۔ آرٹیکل 62/63 کو اصل حالت میں بحال کیا جائے گا۔ نیب کا خاتمہ کیا جائے گا۔

پی ایم ایل ن نے منشور 2024-2029 میں بجلی کے بلز میں 20 سے 30 فیصد کمی لانے جبکہ ایک کروڑ نوکریاں دینے کا وعدہ بھی کیا۔