ملکی زرمبادلہ کے ذخائر میں اضافہ، مجموعی مالیت 18 ارب 12 کروڑ ڈالر سے متجاوز

کراچی: ملکی زرمبادلہ کے ذخائر میں اضافے کے ساتھ 10 جنوری کو ملک کے مجموعی ذخائر کی مالیت 18 ارب 12 کروڑ 36 لاکھ ڈالر ریکارڈ کی گئی۔

اسٹیٹ بینک آف پاکستان کے جاری کردہ اعداد و شمار کے مطابق زرمبادلہ کے مجموعی زخائر 18 ارب ڈالر سے تجاوز کرگئے ہیں اور 10جنوری کو ملک کے مجموعی ذخائر کی مالیت 18 ارب 12 کروڑ 36 ڈالر ریکارڈ کی گئی۔

مرکزی بینک کے اعداد وشمار کے مطابق زرمبادلہ کے سرکاری ذخائر میں ایک ہفتے کے دوران 8 کروڑ 20 لاکھ ڈالر کا اضافہ ہوا جس کے بعد سرکاری ذخائر 11 ارب 58 کروڑ 60 لاکھ ڈالر کی سطح پر پہنچ گئے، جب کہ کمرشل بینکوں کے پاس 6 ارب 53 کروڑ 76 لاکھ ڈالر کے زخائر موجود ہیں۔