کورونا اور پریس ٹی ٹیوٹس۔۔۔(حصہ دوم و آخر)

کورونا وائرس کے بارے میں مین اسٹریم میڈیا میں جو کچھ اور جس طرح آیا اسے لاس اینجلس ٹائمز نے ’اوورڈرائیو‘ جیسے نرم لفظ سے تعبیر کیا۔ مین اسٹریم میڈیا پر تو اس کے بارے میں حقائق بیان کرنے کا تو سوال ہی پیدا نہیں ہوتا مگر متبادل سماجی میڈیا پر بھی اس کے بارے میں حقائق پیش کرنے سے روک دیا گیا اوراس قسم کے مواد کو انسٹا گرام، یوٹیوب ، ٹوئٹر، فیس بک سمیت ہر جگہ سے فوری طور پر ہٹادیا گیا۔

اس کے لیے خاص طور پر سنسرز لگائے گئے ۔ فاکس بزنس نیٹ ورک کی اینکر پیٹریشیا این ریگن جو عمومی طور پر ٹرش ریگن کے نام سے معروف ہیں ، کو فاکس بزنس نیٹ ورک کی انتظامیہ نے جبری چھٹیوں پر اس وقت بھیج دیا ، جب انہوں نے اپنے ایک پروگرام میں کورونا کی وبا کو ’ہوکس‘  (جھانسا، چکما یا فریب) قرار دیا۔

تاہم اب بھی کئی ایسی وڈیو موجود ہیں جس میں متبادل میڈیا سے تعلق رکھنے والے صحافیوں نے کورونا کے بارے میں دیے گئے سرکاری اعداد و شمار کی تصدیق کرنے اور حقائق کا کھوج لگانے کی کوشش کی ۔ ایسی ہی ایک وڈیو ایک یوٹیوب چینل ’کراؤڈسورس ٹرتھ‘ کے میزبان جان کلنز کی ہے۔ جان نیویارک کی سڑکوں پر اس اسپتال کو تلاش کرتا رہا جس کے بارے میں کہا گیا تھا کہ اس میں کورونا کے ایک ہزار مریض رکھے گئے ہیں، مگر اسے وہ اسپتال کہیں نہیں مل سکا۔ جان نے یہ وڈیو فیس بک پر لائیو اسٹریم کی تھی۔

 سب سے زیادہ زبردست گواہی بی بی سی کے سابق اسپورٹس براڈ کاسٹرڈیوڈ واگن نے دی ہے ۔ ڈیوڈ کی وڈیو مندرجہ ذیل لنک پر دیکھی جا سکتی ہے۔

 https://www.davidicke.com/article/566782/billy-six-deckt-corona-schauspiel-auf

  یہ وڈیو کلپ کوئی 50 منٹ طویل ہے۔ اس میں ڈیوڈ جرمنی میں ان تمام اسپتالوں کا رخ کرتا ہے جن کے بارے میں کہا گیا ہے کہ وہاں پر کورونا کے متاثر مریض رکھے گئے ہیں ۔ اسے کہیں پر بھی وبائی یا ہنگامی صورتحال نظر نہیں آتی ۔ اسی طرح وہ وڈیو میں بنیادی سوال کرتا ہے کہ جتنے مریضوں کے بارے میں کہا جارہا ہے کہ وہ اٹلی یا جرمنی میں روز کورونا کی وجہ سے مررہے ہیں، اس سے زیادہ تعداد تو روزانہ ویسے ہی ان دونوں ممالک میں مرنے والوں کی ہے۔ وہ جرمنی میں یومیہ مرنے والوں کی تعداد کا تذکرہ کرتے ہوئے کہا ہے کہ اس میں کوئی تبدیلی نہیں ہے ۔ ڈیوڈ نے ایک ڈاکٹر کا اسکائیپ پر طویل انٹرویو بھی لیا ہے جو یہ بتارہا ہے کہ جو کچھ بتایا جارہا ہے ، اس کا حقیقت سے کوئی تعلق نہیں ہے ۔

اس وقت ٹوئٹر پر ’فلم یوورہاسپٹل‘ کے نام سے ایک ٹرینڈ خاصا مقبول ہورہا ہے جس میں لوگ اپنے علاقے کے اسپتالوں کے کلپ ٹوئٹ کررہے ہیں ۔ اس ٹرینڈ کو دیکھیں تو پتا چلتا ہے کہ لاس اینجلس، ڈینور سمیت کئی امریکی ریاستوں کے اسپتالوں میں وہ صورتحال نہیں ہے جس کا ذکر پریسٹی ٹیوٹس کررہے ہیں۔ اس میں دنیا بھر کے کلپ موجود ہیں جس میں اسے بنانے والے کہہ رہے ہیں کہ وہ صورتحال نہیں ہے جو میڈیا بتارہا ہے۔ وہ برملا کہہ رہے ہیں کہ میڈیا جھوٹ بول رہا ہے اور جھوٹ دکھا رہا ہے ۔ پریسٹی ٹیوشن کا اندازہ اس سے لگایا جاسکتا ہے کہ سی بی ایس ٹیلی وژن نے امریکا میں صورتحال کو ابتر دکھانے کے لیے اٹلی کے کلپ امریکا کے نام سے چلا دیے جس کا انکشاف بعد میں ہوا ۔

جناب عالی۔۔۔۔ اگر آپ ایک عالمگیر شیطانی ریاست کے تسلط میں آنے سے بچنا چاہتے ہیں تو دوسروں کے پھیلائے ہوئے خوف سے باہر نکلیں ، خود سوچیں اور خود نتیجہ نکالیں ۔ میں سارے لنک اسی لیے اپنے مضامین میں ڈالتا ہوں اور اس مضمون میں بھی ڈالے ہیں کہ آپ خود انہیں دیکھیں ۔ چند قارئین میرے مضامین پڑھنے کے بعد ضمنی سوالات کرتے ہیں ۔ آپ میرے مضامین میں دیے گئے کی ورڈز مثلا ایونٹ 201 ، آر ایف آئی ٹی اور آئی ٹی 2020 کو ہی سرچ کرلیں تو بہت کچھ اندازہ ہوجائے گا ۔

عالمی بینک کے اعداد وشمار کے مطابق پاکستان میں یومیہ مرنے والوں کی تعداد پانچ ہزار کے لگ بھگ ہے۔ اس لحاظ سے گزشتہ بیس دنوں میں پاکستان میں ایک لاکھ کے قریب شہری دار فانی کو کوچ کرچکے ہیں ۔ ان بیس دنوں میں کورونا سے پورے ملک میں صرف بیس افراد کی ہلاکت ہوئی ہے مگر اس کے خوف کی وجہ سے جو نقصان ملک اور قوم کو اٹھانا پڑا ہے ، اس کا اندازہ بھی نہیں لگایا جاسکتا ۔ کورونا کے خوف پھیلانے کے پس پشت عزائم کو سمجھیں کہ یہ انسان کو غلام بنانے کے عمل کا آغاز ہے ۔

 اس دنیا پر ایک عالمگیر شیطانی حکومت کے قیام کی سازش سے خود بھی ہشیار رہیے اور اپنے آس پاس والوں کو بھی خبردار رکھیے ۔ ہشیار باش

سینئر صحافی مسعود انور کے مزید آرٹیکل ان کی  ویب سائٹ پر بھی ملاحظہ کیے جا سکتے ہیں، ان سے رابطے کیلئے ای میل اور ویب سائٹ کا ایڈریس مندرجہ ذیل ہے:۔

E-mail: hellomasood@gmail.com

https://www.masoodanwar.wordpress.com