پاک فوج کا تربیتی طیارہ گجرات کے قریب گر کر تباہ، طیارے کے دونوں پائلٹس شہید

راولپنڈی: پاک فوج کا تربیتی طیارہ گجرات کے قریب گر کر تباہ ہوگیا، افسوس ناک حادثے کے باعث طیارے کے دونوں پائلٹ شہید ہوگئے۔

مسلح افواج کے شعبہ تعلقات عامہ (آئی ایس پی آر) کی جانب سے جاری بیان کے مطابق مطابق پاک فوج کا مشاق طیارہ آج صبح حادثے کا شکار ہوا۔ طیارہ معمول کی تربیتی پرواز پر تھا، جو گر کر تباہ ہوگیا، حادثے میں انسٹرکٹر پائلٹ میجر عمر اور تربیتی پائلٹ لیفٹیننٹ فیضان شہید ہو گئے۔

آئی ایس پی آر کے مطابق شہید ہونے والے میجر عمر کا تعلق گجرات سے جب کہ لیفٹیننٹ فیضان کا تعلق کلرکہار ضلع چکوال سے تھا۔ میجر عمر شہید نے پسماندگان میں بیوہ چھوڑی ہے۔