سینیٹ انتخابات کا طریقہ کارتبدیل،خفیہ رائے شماری نہیں،اوپن بیلٹ ہو گا

وفاقی کابینہ نے سینیٹ الیکشن میں سیکریٹ بیلٹ ختم کرنے کے آئینی مسودے کی منظوری دے دی۔ شو آف ہینڈ کے ذریعے ووٹ کی تجویز مسترد، اب خفیہ رائے شماری کی بجائے اوپن بیلٹ ہو گا

ذرائع کے مطابق سینیٹ انتخابات میں ووٹوں کی خریدوفروخت روکنے کیلئے آئینی ترمیم کا فیصلہ کیا گیا ہے،  اس سے قبل  سینیٹ  انتخابات میں  اراکین اپنا ووٹ خفیہ رائے شماری کے ذریعے کاسٹ  کرتے تھے ۔ اوپن  ووٹ کے  ذریعے معلوم ہو سکے گا کہ کس رکن اسمبلی نے کس امیدوار کو ووٹ دیا، اس مقصد کیلئے آئین کے آرٹیکل 226 اور انسٹھ 2 میں ترمیم کیجائے گی ۔

آئینی ترمیمی کا مسودہ منظوری کے لیے جلد پارلیمنٹ میں پیش کیا جائے گا۔ سنگل ٹرانسفر ایبل ووٹ میں امیدوار کو مطلوبہ ووٹ مل جائیں تو باقی ووٹ اگلے امیدوار کو منتقل ہو جاتے ہیں۔