موسم گرما کی آمد: اسپین میں سیاحوں کی جانب سے ہوٹل بکنگ میں کئی گنا اضافہ

کورونا وائرس ویکسینیشن کے بعد سفری اجازت ملنے کے امکان کے ساتھ ہی ائیر لائنز اور ہوٹل کی بکنگ میں اضافہ ہوگیاہے۔ہسپانوی وزیرسیاحت نے کہاہے کہ اگر ویکسین پاسپورٹ پر اتفاق نہ ہو سکا تو برطانیہ کے ساتھ پلان بھی پر بات چیت کی جائے گی۔

ذرائع ابلاغ کے مطابق برطانیہ 17 مئی سے سفری پابندیاں ختم کر سکتاہے۔ اس اعلان کے ساتھ برطانوی سیاحوں کی جانب سے بکنگ میں اضافہ دیکھنے میں آیاہے۔اسپین آئیبیزا کے ساحل پر ہوٹل بکنگ میں 250 فیصد اور ماربیا کے ہوٹل کی بکنگ میں 50 فیصد اضافہ دیکھنے مہں آیاہئ

جہاز کمپنی ایزی جیٹ کی جانب سے بکنگ میں اضافے کی تصدیق کی گئی ہے۔ حکام کے مطابق جون، جولائی، اگست کے موسم گرما کے مہینوں کے لئے فروخت 4 گنا بڑھ گئی ہے۔چھٹیوں کی بکنگ کرنے والی کمپنی ٹی یو آئی کے مطابق اسپین،یونان اور ترکی کے لئے بکنگ میں 600 فیصد اضافہ ریکارڈ کیاگیاہے۔