کورونا کی نئی لہر: اٹلی کے متعدد علاقوں میں لاک ڈاون نافذ

بین الاقوامی خبر رساں ادارے کے مطابق پیر سے اٹلی کے نصف سے زائد علاقوں بشمول روم میلان میں دکانیں، ریسٹورانٹس اور اسکول بند کرنے کا فیصلہ کیا گیا ہے۔ پابندی کے تحت تمام اسکولز بند ہوں گے جبکہ ماسک کا استعمال بھی لازمی ہوگا۔میڈیا رپورٹس کے مطابق ایسٹر کے دوران 3 سے 5 اپریل کے دوران پورے ملک میں مکمل لاک ڈاؤن ہوگا۔

نئی پابندیوں سے متعلق اپنے بیان میں اٹلی کے ماریو ڈراگی نے کہا کہ میں جانتا ہوں کہ نئی پابندیوں کے نتیجے میں آپ کے بچوں کی تعلیم، معیشت اور ہر ایک ایک کی ذہنی صحت پر اثر پڑے گا۔ لیکن کورونا صورتحال مزید خراب ہونے سے روکنے کے  لیے سخت اقدامات ضروری ہیں۔ اٹلی میں کورونا وائرس کے باعث اب تک ایک لاکھ اموات ہوئی ہیں جبکہ مجموعی طور پر 3 لاکھ آٹھ ہزار سے زائد کیسز رپورٹ ہوچکے ہیں۔

یورپ میں کورونا کیسز کے حوالے سے برطانیہ کے بعد اٹلی کا دوسرا نمبر ہےاٹلی کے صحت کے حکام کے مطابق ملک کے بشتر علاقوں میں اسپتالوں اور انتہائی نگہداشت کے یونٹس میں مزید مریضوں کو داخل کرنے کی گنجائش ختم ہوگئی ہے۔

خیال رہے کہ عالمی وبا کورونا وائرس کے سبب دنیا میں 11 کروڑ 96 لاکھ 9 ہزار سے زائد افراد متاثر اور مرنے والوں کی تعداد 26 لاکھ 51 ہزار 700 ہو گئی ہے۔دنیا بھر میں کورونا سے صحت یاب ہونے والوں کی تعداد 9 کروڑ 62 لاکھ 55 ہزار سے زائد اور فعال کیسز کی تعداد 2 کروڑ 7 لاکھ 2 ہزار سے زائد ہے۔