ایل پی جی پھر مہنگی، قیمت175 روپے فی کلو کی بلند ترین سطح پر پہنچ گئی

آئل اینڈ گیس ریگولیٹری اتھارٹی (اوگرا) نے تین روز میں ایل پی جی کی قیمت میں 15 روپے کا اضافہ کرکے مائع گیس کی قیمت کو تاریخ کی بلند ترین سطح پر پہنچا دیا۔

ایل پی جی انڈسٹریز ایسوسی کے چیئرمین عرفان کھوکھر کے  مطابق اوگرا نوٹیفکیشن کے بغیر ایل پی جی کی قیمت میں تیسری بار اضافہ ہیٹرک مکمل کرلی اور تین روز میں ایل پی جی کی قیمت میں 15 روپے اضافہ کیا ہے، اس اضاف کے بعد ملک بھر میں ایل پی جی کی قیمت تاریخ کی بلند ترین سطح پر پہنچ گئی ہے۔

عرفان کھوکھر کے مطابق اوگرا نے جولائی 2021 کیلئے ایل پی جی کی قیمت 160 روپے فی کلو مقرر کی تھی، اور اب تین دن میں ایل پی جی کی قیمتوں میں 3 بار اضافہ کیا گیا ہے، آج  ایل پی جی کی قیمتوں میں ایک بار پھر 5 روپے فی کلو کا اضافہ کردیا گیا ہے، جس کے بعد ملک بھرمیں ایل پی جی کی قیمت 175 روپے فی کلو ہوگئی ہے۔

چیئرمین ایل پی جی انڈسٹریز کا کہنا تھا کہ گھریلو سیلنڈر میں 50 روپے اور کمرشل سلنڈر میں 200 روپے اضافہ کیا گیا ہے، جس کے بعد گھریلو سلنڈر 2050 ، کمرشل سلنڈ 7915 روپے پر پہنچ گیا ہے۔ بلاجواز اضافہ کیخلاف ایل پی جی ڈسٹری بیوٹرزایسوسی ایشن پاکستان نے 18 جولائی کو لاہور میں کنونشن طلب کر لیاہے۔

عرفان کھوکھر کے مطابق کنونشن میں 31 جولائی کو ملک گیر ہونے والی ہڑتال ، گوجرانوالہ کی طرف لانگ مارچ کے پروگرام کو حتمی شکل دی جائے گی، کنونشن کے اختتام پر ایک بجے پریس کانفرنس اور ملک بھر میں ایل پی جی کی بڑھتی ہوئی قیمتوں اور غیرمعیاری سلنڈرو کے خلاف روڈ مارچ کیا جائے گا۔