افغان فورسزکے فضائی حملے میں 16 شہری ہلاک

کابل: افغانستان کے صوبے ہلمند کے ضلع سنگین میں دہشت گردوں کے خلاف جاری سرچ آپریشن کے دوران فضائی حملے میں 16 شہری جاں بحق ہوگئے۔

بین الاقوامی خبر رساں ادارے کے مطابق عینی شاہدین نے بتایا کہ فضائی حملہ ایک گھر پر کیا گیا، جاں بحق ہونے والوں میں خواتین اور بچے بھی شامل ہیں۔ اس گھر میں تمام افراد معصوم نہتے شہری تھے۔

طالبان ترجمان ذبیح اللہ مجاہد نے سوشل میڈیا پر اپنے ایک بیان میں صوبہ ہلمند میں حکومتی فورسز کے فضائی حملے میں ایک ہی گھر کے 13 افراد کی ہلاکت کی تصدیق کی ہے۔

#WarCrime
American invaders & their hirelings raided homes & madrassa in Kanj Jaghatu area of Jaghatu district #Wardak last night during which they broke down gates, stole valuables, destroyed a home, torched vehicles, martyred 4 villagers & abducted 3 others.

— Zabihullah (ذبیح الله م ) (@Zabihullah_4) January 25, 2019

گورنر ہلمند یاسر خان نے سنگین ضلع میں فضائی حملے کی تصدیق کرتے ہوئے بتایا کہ حملے میں کچھ شہریوں کی ہلاک ہونے کی بھی اطلاع ہے جس کے لیے تحقیقاتی کمیٹی تشکیل دے دی گئی ہے۔

دوسری جانب وزارت دفاع کی جانب سے جاری ایک بیان میں کہا گیا ہے کہ ضلع سنگین میں 3 روز سے ایک بڑا ملٹری آپریشن جاری ہے جس کے دوران دہشت گردوں کی کئی کمین گاہوں کو تباہ کیا گیا ہے۔