عمران علی جیسا فرض شناس قونصل جنرل پہلے تعینات نہیں ہوا،پاکستانی کمیونٹی اسپین

بارسلونا میں پاک فیڈریشن سپین کے زیر اہتمام قونصل جنرل بارسلونا عمران علی چوہدری کی شاندار خدمات پر اعتراف میں پروقار الوداعی تقریب کا اہتمام مقامی ریسٹورنٹ میں کیا گیا۔تقریب میں سپین میں مقیم پاکستانی کمیونٹی کی تمام سیاسی جماعتوں، سماجی تنظیموں، کاروباری شخصیات کے علاوہ قونصل خانہ بارسلونا کے عملہ نے خصوصی طور پر شرکت کی۔

تقریب سے خطاب کرتے ہوئے شرکاء کی جانب سے قونصل جنرل بارسلونا عمران علی چوہدری کی شاندار خدمات پر خراج تحسین پیش کیا۔ تقریب سے خطاب کے دوران مقررین کا کہنا تھا کہ جب سے ہم سپین میں مقیم ہیں اس وقت سے لےکر آج تک سپین کی تاریخ میں سفارت خانہ ہو یا قونصل خانہ بارسلونا عمران علی چوہدری جیسا آفیسر نہیں آیا۔مقررین نے کہاکہ عمران علی چوہدری اور قونصل خانہ کے افسران کی پاکستانی کمیونٹی کے لئے خدمات تاریخ میں یاد رکھی جائیں گی۔مقررین کا مزید کہنا تھا کہ کووڈ ہو یا کوئی آفت، میتیوں کی پاکستان روانگی ہو یا سپین کی جیلوں میں پاکستانی قیدیوں کے مسائل یا سپین میں غیرقانونی پاکستانیوں کو پاسپورٹ جاری کرنے معاملہ ہو عمران علی چوہدری نے ہر دکھی اور مسائل سے لاچار پاکستانی کو گلے لگایا اور ان کی مدد کی۔جو بہت بارسلونا کی تاریخ میں سنہری حروف میں لکھی جائے گی۔

قونصل جنرل عمران علی چوہدری نے اپنے خطاب میں کہا کہ جیسے میں کینڈا اور امریکہ میں خواب لے کر گیا تھا اسی طرح سپین میں مقیم پاکستانی کمیونٹی کی خدمت کے خواب لے کر آیا تھا ۔ اور آج میرا ضمیر مطمئن ہے کہ میں نے ایک بیوروکریسیٹ کی نہیں انسانی ہمدردی کے تحت خدمت کی ہے اور قونصلیٹ کو ایک ادارہ بنایا ہے ۔ اب آپ لوگوں پر منحصر ہے کہ اس کو آگے کس طرح لے کر چلنا ۔ انھوں مزید کہا کہ آپ خوش قسمت ہیں سفیر پاکستان شجاعت علی راٹھور اور جو نئے قونصل جنرل سلیمان آ رہے ہیں دونوں انتہائی قابل آفیسرز ہیں۔

 تقریب سے سینئر صحافی ارشد نزیر ساحل، چئیرمین خدمت خلق کونسل سپین راجہ شفیق کیانی ۔ کبڈی فیڈریشن کے چئیرمین چوہدری عبدالغفار مرہانہ ۔ کوآرڈینیٹر ٹو وائس چیرمین اوورسیز پاکستانیز پنجاب چوہدری محمد امتیاز لوراں، پاک سپین بزنس کونسل کوآرڈینیٹر سید ذوالقرنین شاہ ۔پاک بزنس کونسل کے چئیرمین کامران مظفر ۔ پاک کلچرل کونسل کے کوآرڈینیٹر سید شیراز ۔ سینئر صحافی جاوید مغل ۔ سینئر صحافی مرزا ندیم بیگ ۔ پی ٹی آئی سپین کے قائم مقام صدر چوہدری قاسم علی جھکڑ ۔ کرسچین کمیونٹی کے رہنما جاوید گل ۔ پیپلز پارٹی کے سینئر رہنما پروفیسر طاہر ۔ مسلم لیگ قاف خواتین کی صدر محترمہ فرح سہیل ۔ سفیان یونس ۔ ڈاکٹر عرفان مجید راجہ ۔ کونسلر سیوتات بیا طاہر رفیع ۔ مسلم لیگ ن سپین کے صدر حاجی راجہ اسد حسین ۔ سینئر کشمیری رہنما ملک محمد شریف اپنے خیالات کا اظہار کیا ۔

تقریب کے آخر میں پاک فیڈریشن سپین کے صدر چوہدری ثاقب طاہر نے عمران علی چوہدری کی شاندار خدمات پر ان کو خراج تحسین پیش کیا اور تقریب کے شرکا کا ان کی آمد پر شکریہ ادا کیا ۔ تقریب میں پہنچنے پر قونصل جنرل بارسلونا عمران علی چوہدری کا گلدستے پیش کرکے شاندار استقبال کیا گیا۔تقریب کا باقاعدہ آغاز تلاوت قرآن پاک سے ہوا جس کی سعادت قاری چوہدری عبدالرحمن نے کی اور نبی کریم صلی اللہ علیہ کی بارگاہ میں حافظ ارشد نقشبندی نے ہدیہ عقیدت کے پھول نشاور کئے۔تقریب میں نظامت کے فرائض جنرل سیکرٹری پاک فیڈریشن سپین راجہ بابر ناصر جنرل اور پاک مذہبی امور کے چئیرمین راجہ ساجد محمود نے ادا کئے۔