ملک میں مہنگائی کا طوفان ، 22 اشیائے ضروریہ مزید مہنگی

اسلام آباد: مہنگائی کے مارے عوا م کی جان پر بن آئی ۔ ایک ہفتے کے دوران بائیس اشیا کی قیمتیں مزید بڑھ گئیں، ٹماٹر کی قیمت میں فی کلو 70 روپے سے زائد کا اضافہ ہوا ہے۔1.35 فیصد اضافے کیساتھ مہنگائی کی مجموعی شرح 19.53 فیصد جبکہ کم آمدن افراد کے لیے 22 فیصد تک پہنچ گئی۔

ادارہ شماریات کے ہفتہ وار مہنگائی اعداد و شمار کے مطابق رواں ہفتے ٹماٹر کی قیمت 70 روپے 94 پیسے فی کلو اضافہ ہوا۔زندہ مرغی 19 روپے 33 پیسے فی کلو ،لہسن 17 روپے 80 پیسے اور سرسوں کا تیل 9 روپے 19 پیسے مہنگا ہوا۔ ایل پی جی کا گھریلو سلنڈر 35 روپے 87 پیسے اور آٹے کا 20 کلو کا تھیلا 3 روپے 32 پیسے مہنگا ہوا۔ دودھ، دہی، مٹن، بیف، دال مسور اور دال چنے کی قیمت بھی مزید بڑھ گئی۔

حالیہ ہفتے ، آلو پیار، اور انڈوں سمیت 6 اشیاء کی قیمتوں میں کمی ہوئی جبکہ 23 میں استحکام رہا۔