الیکشن کمیشن نے پنجاب میں بلدیاتی انتخابات کے پہلے مرحلے کا اعلان کر لیا

اسلام آباد : الیکشن کمیشن نے صوبہ پنجاب میں بلدیاتی انتخابات کے پہلے مرحلے کا اعلان کردیا ہے۔

ترجمان الیکشن کمیشن کے مطابق چیف الیکشن کمشنر سکندر سلطان راجہ کی سربراہی میں اہم اجلاس ہوا جس میں فیصلہ کیا گیا کہ صوبہ پنجاب میں پہلے مرحلے کے بلدیاتی انتخابات 29 مئی 2022 کو ہوں گے۔

ترجمان نے کہا کہ پہلے مرحلہ میں ڈیرہ غازی خان، راجن پور، مظفر گڑھ، لیّہ اور خانیوال  میں انتخابات ہوں گے۔ وہاڑی ، بہاولپور ، ساہیوال، پاک پتن،ٹوبہ ٹیک سنگھ، خوشاب اور سیالکوٹ میں بھی انتخابات پہلے مرحلے میں ہی ہوں گے۔ گجرات، حافظ آباد، منڈی بہاؤالدین، جہلم اور اٹک کے اضلاع بھی بلدیاتی انتخابات کے پہلے مرحلے کا حصہ ہوں گے