پاک فوج میں پہلی مرتبہ دو ہندو افسران لیفٹیننٹ کرنل کے عہدے پر ترقیاب

راولپنڈی: پاک فوج میں پہلی مرتبہ دو ہندو آفیسرز کو لیفٹننٹ کرنل کے عہدے پر ترقی دے دی گئی۔ ترقی پانے والوں میں میجر ڈاکٹر کیلاش کمار اور میجر ڈاکٹر انیل کمار شامل ہیں۔

   لیفٹننٹ کرنل کیلاش کمارکا تعلق تھرپارکرسے جبکہ لیفٹننٹ انیل کمار کا تعلق بدین سے ہے۔لیفٹننٹ کرنل انیل کمار نے 2007 میں اور لیفٹننٹ کرنل کیلاش کمارنے 2008 میں پاک فوج میں کمیشن حاصل کیا۔ وزیر اطلاعات فواد چوہدری نے ترقیاب ہونےو الے افسران کو خراج تحسین پیش کرتے ہوئے انہیں مبارکباد دی ہے۔

دوسری جانب وفاقی وزیر اطلاعات فواد چوہدری نے سماجی رابطے کی ویب سائٹ ٹویٹر پر اپنی ٹویٹ میں ترقی پانے والے ہندو افسر کی پوسٹ لگاتے ہوئے انہیں خراج تحسین پیش کرتے ہوئے کہا کہ آپ ہمارے لئے فخر ہیں۔ پاک فوج زندہ باد