کانگو میں پاک فوج کا ہیلی کاپٹر گر کر تباہ، تین افسران اور تین جوانوں سمیت 8 اہلکار شہید

آئی ایس پی آر کے مطابق کانگو امن مشن کے دوران پاکستان ایوی ایشن یونٹ کا ‘پوما’ ہیلی کاپٹر گر کر تباہ ہو گیا ہے، حادثے میں تین افسران اور تین جوانوں سمیت 8 افراد جام شہادت نوش کر گئے۔

شہداء میں سابق وزیراعظم آزاد کشمیر راجا ممتاز حسین راٹھور مرحوم کے داماد اور پیپلز پارٹی آزادکشمیر کے سیکرٹری جنرل ،سابق وزیر حکومت راجا فیصل ممتاز
راٹھور کے بہنوئی کرنل آصف اعوان بھی شامل ہیں۔

صدر مملکت، وزیراعظم اور آرمی چیف سمیت ملک کی سیاسی و عسکری قیادت نے قیمتی جانوں کے ضیاع پر انتہائی دکھ کا اظہار کرتے ہوئے لواحقین کےلیے صبر جمیل کی دعا کی ہے۔قومی قیادت نے کہا دنیا کے امن کے لیے پاک فوج کی قربانیاں لازوال ہیں،شہداء نے اپنی جانوں کا نذرانہ پیش کرتے ہوئے اقوام عالم میں پاکستان کے اس عزم کا عملی نمونہ پیش کیا ہے کہ پاکستان امن کا داعی ہے اور ہم علاقائی اور عالمی امن کے لیے کسی بھی قربانی سے دریغ نہیں کریں گے۔