الیکشن کمیشن کا فارن فنڈنگ کیس کی سماعت روزانہ کی بنیاد پر کرنے کافیصلہ

 اسلام آباد: الیکشن کمیشن آف  پاکستان  نے فارن فنڈنگ کیس کی سماعت روزانہ کی بنیاد پر کرنے کافیصلہ کرلیا۔  الیکشن کمیشن نے کہاہے کہ  عدالت کے حکم کے مطابق کیس کا فیصلہ تین  دن کے اندر کیا جائے گا۔

اسلام آباد ہائی کورٹ کے جسٹس محسن اختر کیانی نے 14 اپریل کو اپنے فیصلے میں الیکشن کمیشن کو پی ٹی آئی فارن فنڈنگ کیس کا فیصلہ 30 روز میں کرنے کا حکم دیاگیاتھا۔اسلام آباد ہائی کورٹ نے کہا تھاکہ ضروری ہے فارن فنڈنگ کیس میں جلد سچائی تک پہنچا جائے ،الیکشن کمیشن کو حقائق تک پہنچنے کیلئے کوئی بھی طریقہ اپنانے سے روکا نہیں جا سکتا ، ممنوعہ فنڈنگ ثابت ہوئی تو سیاسی جماعت اور اس کے چیئرمین کی حیثیت بھی متاثر ہو گی اور پی ٹی آئی کو اس کے نتائج بھگتنا ہوں گے۔

 اسلام آباد ہائی کورٹ نے پی ٹی آئی کی فارن فنڈنگ کیس کا ریکارڈ اکبر ایس بابر کو دینے سے روکنے اور انہیں کیس کی کارروائی سے الگ کرنے کی درخواستیں مسترد کرتے ہوئے الیکشن کمیشن کا فیصلہ برقرار رکھا تھا۔ واضح رہے کہ ممنوعہ فارن فنڈنگ کیس نومبر 2014 سے الیکشن کمیشن میں زیر سماعت ہے۔