کوئٹہ میں لرزہ خیز واردات۔۔۔ خاتون، چار بچوں سمیت گلے کاٹ کر قتل

کوئٹہ میں لرزہ خیز واقعہ پیش آیا ہے جہاں پر نامعلوم افراد نے تیز دھار آلے سے ایک خاتون اور اس کے چار بچوں کو قتل کردیا۔

افسوسناک واقعہ کوئٹہ سے جنوب مغرب میں 25 کلو میٹر دور کچلاک کے علاقے کلے پوٹی ناصران میں سامنے آیا، جہاں نامعلوم افراد نے تیز دھار آلے سے ایک خاتون اور اس کے چاربچوں کو گلے کاٹ کر قتل کر دیا۔

مقامی پولیس کے مطابق واقعے کی اطلاع ملتے ہی پولیس اور ریسکیو کی ٹیمیں جائے وقوعہ پر پہنچ گئیں اور  لاشوں کو کچلاک اسپتال منتقل کردیا گیا، تاہم ابھی تک قتل کے حوالے سے کوئی واضح وجہ سامنے نہیں آئی، پولیس نے تفتیش شروع کردی ہے اور خاتون کے اہل خانہ سے رابطہ کرنے کی کوشش کی جارہی ہے۔