عمران خان اگلی ٹرم کیلئے تحریک انصاف کے بلا مقابلہ چیئرمین منتخب

اسلام آباد : پاکستان تحریک انصاف کی نیشنل کونسل کا اجلاس اسلام آباد میں ہوا۔ اجلاس میں عمران خان اگلی ٹرم کیلئے پاکستان تحریک انصاف کے بلا مقابلہ چیئرمین منتخب ہوگئے

پی ٹی آئی رہنما شاہ محمود قریشی وائس چیئرمین جبکہ اسدعمر بھی مرکزی سیکرٹری جنرل منتخب ہوگئے۔ دیگر 2 پینلز کے امیدواران نے عمران خان کے حق میں انتخاب سے دستبرداری کا اعلان کردیا۔ ایک پینل کی سربراہی عمر سرفراز چیمہ دوسرے پینل کی سربراہی نیک محمد کررہے تھے۔

پاکستان تحریک انصاف کی نیشنل کونسل نے اگلی ٹرم کیلئے بانی چیئرمین عمران خان کو بلامقابلہ چیئرمین منتخب کرلیا۔شاہ محمود قریشی وائس چیئرمین اور اسدعمر مرکزی سیکرٹری جنرل منتخب۔مدِمقابل 2 پینلزکےامیدواران عمرسرفراز چیمہ اور نیک محمد نےبانی چیئرمین کےحق میں دستبرداری کااعلان کر دیا۔

— Farrukh Habib (@FarrukhHabibISF) June 8, 2022

فرخ حبیب مرکزی سیکرٹری اطلاعات پاکستان تحریک انصاف نے اپنے ایک ٹویٹ کے ذریعے خبر کی تصدیق کی