آئی ایم ایف کی شرط، بجلی 7.91 روپے مہنگی کرنے کی درخواست

اسلام آباد : وفاقی حکومت نے آئی ایم ایف کی شرط پر عمل درآمد مکمل کرنے کے تیاریاں کرلیں۔بجلی کا بنیادی ٹیرف7 روپے91 پیسے بڑھانے کی درخواست نیپرا میں دائرکردی گئی۔سماعت کل ہوگی۔

وفاقی حکومت نے یکساں ٹیرف کیلئے درخواست نیپرا میں جمع کرائی۔نیپرا سماعت کے بعد فیصلہ نوٹیفکیشن کیلئے وفاقی حکومت کو بھجوائے گی۔کے الیکٹرک سمیت تمام ڈسکوز کیلئے بجلی کا بنیادی ٹیرف بڑھانے کی تجویز ہے۔

جولائی سے بجلی 3 روپے 50 پیسے فی یونٹ مہنگی کرنے کی تجویز ہے۔اگست سے بجلی مزید 3روپے 50 پیسے فی یونٹ مہنگی کرنے کی تجویز ہے۔اکتوبر سے بجلی کا بنیادی ٹیرف 91 پیسے فی یونٹ بڑھانے کی تجویزہے۔نیپرا نے بجلی کا بنیادی ٹیرف بڑھانے کا فیصلہ وفاقی حکومت کو بھجوایا تھا۔وفاقی حکومت نے اب یکساں ٹیرف کیلئے نیپرا میں درخواست دائر کی ہے۔