ورلڈ ٹیسٹ چیمپئن شپ، پاکستان نے سری لنکا سے تیسری پوزیشن چھین لی

آئی سی سی ورلڈ ٹیسٹ چیمپئن شپ میں پاکستان نے سری لنکا سے تیسری پوزیشن چھین لی۔

گال ٹیسٹ میں کامیابی حاصل کرنے کے بعد قومی ٹیم آئی سی سی ورلڈ ٹیسٹ چیمپئن شپ میں تیسری پوزیشن پر پہنچ گئی ہے۔ اس سے پہلے سری لنکن ٹیم تیسری پوزیشن پر تھی۔ قومی ٹیم کی ہار جیت کی شرح 58.33 ہوگئی۔ سری لنکا سے سیریز کا دوسرا ٹیسٹ جیتنے کی صورت میں پاکستان کی پوزیشن مزید مستحکم ہوجائے گی۔

Plenty of 📈 and 📉 in the #WTC23 table after the first #SLvPAK Test in Galle.

Standings 👉 https://t.co/bxsm2iCVxk pic.twitter.com/R3R6CEcNer

— ICC (@ICC) July 20, 2022

آئی سی سی ورلڈ ٹیسٹ چیمپئن شپ 2023-2022 میں پاکستان کی انگلینڈ اور نیوزی لینڈ کیخلاف ٹیسٹ سیریز بھی شیڈول ہیں۔ دونوں ٹیموں سے سیریز جیتنے پر قومی ٹیم فائنل کے لیے کوالیفائی کرجائے گی۔
آئی سی سی ورلڈ ٹیسٹ چیمپئن شپ اسٹینڈنگ میں جنوبی آفریقہ سرفہرست ہے۔آسٹریلیا کا دوسرا، بھارت کا چوتھا، ویسٹ انڈیز کا پانچواں نمبر ہے۔ سری لنکا چھٹے، انگلینڈ ساتویں، نیوزی لینڈ آٹھویں اور بنگلہ دیش نویں نمبر پر ہے۔
پاکستانی ٹیم نے گال ٹیسٹ میں سری لنکا کو 4 وکٹوں سے شکست دی ہے۔گال ٹیسٹ میں پاکستانی اوپنر عبداللہ شفیق نے جیت میں سب سے اہم کرادر ادا کرتے ہوئے 160 رنز اسکور کیے اور مین آف دی میچ قرار پائے، عبداللہ شفیق اننگز کی پہلی گیند سے آخری تک میدان میں ڈٹے رہے۔