دوسرا ٹیسٹ، سری لنکا کے 378 رنز کے جواب میں قومی بیٹنگ لائن لڑکھڑا گئی

گال : پاکستان اور سری لنکا کے مابین دوسرے ٹیسٹ میچ کے دوسرے روز کے اختتام پر پاکستان نے سات وکٹوں کے نقصان پر 191 رنز بنا لیے ہیں۔

سری لنکا کو پاکستان پر 187 رنز کی بڑی برتری حاصل ہے جب کہ قومی ٹیم کے پاس اس برتری کو کم کرنے کے لیے تین وکٹیں باقی ہیں۔ گال کے میدان میں کھیلے جا رہے میچ میں سری لنکا نے ٹاس جیت کر پہلے بیٹنگ کی اور اپنی پہلی اننگز میں 378 رنز بنائے۔

Innings break: Sri Lanka 378 all out (103 ovs)#SLvPAK pic.twitter.com/NHuXbYuPh6

— Sri Lanka Cricket 🇱🇰 (@OfficialSLC) July 25, 2022

سری لنکا کی جانب سے چندی مل نے 80، فرنینڈو نے 50، ڈک والا 51 اور میتھیوز نے 42 رنز کی اننگز کھیلی۔ پاکستان کی جانب سے نسیم شاہ اور یاسر شاہ نے تین تین کھلاڑیوں کو آؤٹ کیا۔پاکستان کی جانب سے پہلی اننگز کا آغاز عبداللہ شفیق اور امام نے کیا جو زیادہ اچھا ثابت نہ ہو سکا۔ عبداللہ دوسری گیند پر فرنینڈو کا نشانہ بنے۔

Stumps in Galle! 🏏

Pakistan finish the day on 191/7 trail by 187.#SLvPAK pic.twitter.com/PeCaAIOwpn

— Sri Lanka Cricket 🇱🇰 (@OfficialSLC) July 25, 2022

قومی ٹیم کی جانب سے سوائے آغا سلمان کے کوئی بھی بیٹر لمبی باری نہ لے سکا اور آؤٹ ہوتا رہا۔آغا سلمان 62 جب کہ امام 32 رنز بنا کر نمایاں رہے۔سری لنکا کی جانب سے مینڈس نے تین جب کہ جے سوریا نے دو وکٹیں حاصل کیں۔ تیسرے روز کا آغاز یاسر شاہ اور حسن علی کریں گے۔
اس سے قبل پہلے ٹیسٹ میچ میں عبداللہ شفیق اور بابر اعظم کی شاندار کارکردگی کے باعث پاکستان نے سری لنکا کو 4 وکٹوں سے شکست دے کر سیریز میں ایک صفر کی برتری حاصل کر رکھی ہے۔ قومی ٹیم آئی سی سی ورلڈ ٹیسٹ رینکنگ میں تیسرے نمبر پر موجود ہے جبکہ بھارت کی چوتھی پوزیشن ہے۔