ٹینس اسٹار سرینا ولیمز کا ریٹائرمنٹ کا اعلان

امریکہ سے تعلق رکھنے والی ٹینس اسٹار سرینا ولیمز نے ریٹائرمنٹ کا اعلان کر دیا۔

ٹینس لیجنڈ سرینا ولیمز نے منگل کو شائع ہونے والے ووگ مضمون میں ریٹائرمنٹ کا اعلان کیا ہے۔

ولیمز نے مضمون میں کہا کہ مجھے ریٹائرمنٹ کا لفظ پسند نہیں، میں اسے ارتقا کہوں گی، میں زندگی کی نئی منزلیں طے کرنے کے لیے تیار ہوں جو میرے لیے اہم ہیں۔لوگ کہتے ہیں میں مارگریٹ کورٹ کا 24 گرینڈ سلیم ٹائیٹل کا ریکارڈ نہیں توڑ سکی جس کا افسوس ہیں۔سرینا ولیمز کا کہنا تھا کہ میں یو ایس اوپن کے بعد ریٹائر ہو جاؤں گی۔

سرینا ولیمز نے کیرئیر کے دوران ومبلڈن کو 7 بار، آسٹریلین اوپن کو 7 بار، یو ایس اوپن کو 6 بار جیتا جبکہ 2012 کے اولمپک میں گولڈ میڈل بھی اپنے نام کیا۔