آرمی چیف سے امریکی سینٹکام کمانڈرکی ملاقات،تعاون پربات

راولپنڈی : آئی ایس پی آر کے مطابق امریکی سینٹکام کمانڈر نے وفد کے ہمراہ جی ایچ کیو کا دورہ کیا۔ آرمی چیف اور امریکی سینٹکام کمانڈر کے مابین ہونے والی ون آن ملاقات میں علاقائی سلامتی، دفاعی اور سیکیورٹی تعاون پر تبادلہ خیال کیا گیا۔
ترجمان پاک فوج کے مطابق دونوں ممالک کی عسکری قیادت کے مابین وفود کی سطح پر بھی ملاقات ہوئی۔ ملاقات میں پاک فوج کی انسداد دہشت گردی کی کوششوں اور علاقائی امن و استحکام کے لیے کردار پر تبادلہ خیال ہوا۔ وفود کی سطح پر ملاقات میں دونوں ممالک کے مابین افواج کے تربیتی پروگرام پر بھی بحث ہوئی۔

ترجمان پاک فوج کا کہنا ہے کہ امریکی سینٹکام کمانڈر نے دہشت گردی کے خلاف جنگ، انسداد دہشت گردی کے تجربات اور علاقائی امن و استحکام کے لیے پاک فوج کی کاوشوں کو سراہا۔امریکی فوجی وفد نے آرمی میوزیم کا بھی دورہ کیا،