پمز اسپتال کے میڈیکل بورڈ نے شہباز گِل کو فٹ قرار دے دیا

اسلام آباد : پمز اسپتال کے چھ رکنی میڈیکل بورڈ نے شہباز گل کو ہسپتال سے ڈسچارج کرنے کا فیصلہ کر لیا گیا۔ میڈیکل بورڈ کو شہباز گل کی تمام کلینیکل رپورٹس موصول ہوگئی۔

پمز اسپتال کے میڈیکل بورڈ نے پاکستان تحریک انصاف کے رہنما شہباز گل کو فٹ قرار دیتے ہوئے کہا کہ پی ٹی آئی رہنما تندرست،صحت مند اور مکمل فٹ ہیں۔شہباز گل کسی بھی وقت اسپتال سے ڈسچارج ہوسکتے ہیں۔

رپورٹ میں بتایا گیا کہ شہباز گل کے 10مختلف ٹیسٹ کیے گئے جس میں کورونا ٹیسٹ بھی شامل تھا،ان کے تمام ٹیسٹ کلیئر آئے ہیں۔اس کے علاوہ پی ٹی آئی رہنماکے 6 مختلف ایکسرے بھی کیے گئے، رپورٹ میں کسی قسم کے تشدد کے شواہد بھی نہیں ملے۔

وفاقی دارلحکومت اسلام آباد کے پمز اسپتال میں شہباز گل کی طبیعت ناسازی سے چھ رکنی میڈیکل بورڈ کا اجلاس ہوا۔ میڈیکل بورڈ نے شہباز گل کو ڈسچارج کرنے کا متفقہ فیصلہ کیا۔ فیصلہ میڈیکل بورڈ کو شہباز گل کی تمام کلینیکل رپورٹس موصول ہونے کے بعد کیا گیا۔

اس سے پہلے اسلام آباد ہائیکورٹ کے حکم پر  وکلاء کے 8 رکنی وفد نے شہباز گل سے پمز میں ملاقات کی۔  ملاقات ایک گھنٹہ تک جاری رہی۔

اسلام آباد۔معزز عدالت عالیہ کے حکم پر وکلاء کے 8رکنی وفد نے ملزم شہباز شبیر گِل سے پمز میں ملاقات کی۔

اسلام آباد۔ ملاقات ایک گھنٹہ تک جاری رہی۔#ICTP

— Islamabad Police (@ICT_Police) August 18, 2022

دوسری جانب اسلام آباد پولیس نے شہباز گل پر تشدد سے متعلق اشتہار جاری کر دیا

اشتہار برائے عوام الناس#ICTP #OPS pic.twitter.com/RSrhQQlp96

— Islamabad Police (@ICT_Police) August 18, 2022

اسلام آباد پولیس کی جانب سے جاری اشتہار میں کہا گیا کہ تھانہ کوہسار میں کسی بھی شخص کے پاس شہباز گل پر تشدد سے متعلق کوئی شہادت ہے تو اپنا بیان قلم بند کروا دے۔ اگر بیان قلم بندکرانا چاہتا ہے تو وہ آئی جی اسلام آباد کے دفتر میں قلم بند کروا ئے۔