سیلاب و بارش متاثرین کیلئے 37 ارب روپے مختص: متاثرہ گھرانے کو 25 ہزار ملیں گے، وزیراعظم

اسلام آباد: وزیراعظم شہباز شریف نے سیلاب و بارش متاثرین کے لیے 37 ارب روپے مختص کرنے کا اعلان کرتے ہوئے کہا ہے کہ ہر متاثرہ گھرانے کو 25 ہزار روپے نقد دیں گے۔

اسلام آباد میں منعقدہ تقریب سے خطاب کرتے ہوئے وزیراعظم شہباز شریف نے کہا کہ سیلاب سے سینکڑوں لوگ جاں بحق ہوچکے ہیں، ہزاروں افراد زخمی ہیں جب کہ انفرا اسٹرکچر کو بھی بے پناہ نقصان پہنچا ہے۔
شہباز شریف نے کہا کہ حالیہ سیلابی ریلوں اور بارشوں نے ملک میں تباہی مچائی ہے، صوبہ بلوچستان میں سیلاب سے سب سے زیادہ تباہی ہوئی ہے، آج مزید طوفانی بارشیں ہوئی ہیں، ہمارے فوجی افسران نے بھی خون کا نذرانہ پیش کیا ہے۔
سابق وزیراعظم شہباز شریف نے کہا کہ موسیٰ خیل میں بارشوں نے تباہی مچائی ہے، پوری قوم کے متحد ہو کر مقابلہ کرنے کا وقت ہے، بینظیرانکم اسپورٹس کے تحت سیلاب متاثرین کی امداد کی جا رہی ہے۔
وزیراعظم شہباز شریف نے کہا کہ متاثرین سیلاب و بارش کو 25 ہزار روپے دینے کا عمل شروع ہو چکا ہے، قومی شاہراہوں اورانفرا اسٹرکچر کو پہنچنے والے نقصانات کا بھی تخمینہ لگایا جا رہا ہے، تمام سول ادارے، افواج پاکستان اور صوبائی محکمے مل کر اس چیلنچ کو مکمل کریں گے۔