چار لاکھ غیر ملکیوں کو مشروط عام معافی دینے کا فیصلہ

اسلام آباد : حکومت کا غیر قانونی طور پرمقیم چار لاکھ غیر ملکیوں کو مشروط عام معافی دینے کا فیصلہ کیا ہے۔ معافی واپس جانے والے غیر ملکیوں کیلئے ہوگی۔ معافی دینے کا فیصلہ وزارتی کمیٹی برائے افغان امور کے اجلاس میں کیا گیا تھا۔
وزارت داخلہ کے دستاویز کے مطابق معافی واپس جانے والے غیر ملکیوں کے لیے ہو گی۔ ان میں افغان ، نائیجرین ،بھارتی اور دیگر ممالک کے باشندے شامل ہیں۔ یہ باشندے ویزا مدت ختم ہونے کے بعد بھی پاکستان میں قیام پذیر ہیں۔

دستاویز کے مطابق معافی کی صورت میں غیرملکیوں کو 31 دسمبر 2022 تک واپس جانا ہوگا۔ اس شرط پر غیر ملکیوں سے ویزا کے بغیر رہنے پر جرمانہ نہیں لیا جائےگا۔ ایمنیسٹی سے مسفید غیر ملکیوں کیخلاف کوئی قانونی کارروائی بھی نہیں ہوگی۔