میرے خلاف توہین عدالت کی کارروائی قابل سماعت نہیں، عمران خان

اسلام آباد : سابق وزیراعظم عمران خان نے کہا ہے کہ میرے خلاف توہین عدالت کی کارروائی قابل سماعت نہیں ہے۔

اسلام آباد ہائیکورٹ میں عمران خان کیخلاف توہین عدالت کیس کی سماعت ہوئی۔ عمران خان کی جانب سے تحریری دلائل جمع کرانے کی متفرق درخواست دائر کی گئی۔

درخواست میں استدعا کی گئی کہ توہین عدالت کیس ناقابل سماعت ہونے پر دلائل کو ریکارڈ پر رکھا جائے اور تحریری دلائل کی وضاحت سماعت کے دوران زبانی دلائل میں بھی کی جائے گی۔عمران خان کی درخواست میں مؤقف اختیار کیا گیا کہ اسلام آباد ہائیکورٹ کو سوموٹو اختیار نہیں ہے اور میرے خلاف توہین عدالت کی کارروائی قابل سماعت نہیں۔ اپنی دلیل کی حمایت میں مزید تحریری دلائل دینے کو تیار ہوں۔