بلوچستان میں فوجی ہیلی کاپٹر گر کر تباہ، دو میجرز سمیت چھ اہلکار شہید

بلوچستان کے علاقے خوست ہرنائی میں پاک فوج کا ہیلی کاپٹر حادثے کا شکار ہوگیا۔ حادثے میں دو میجر سمیت پاک فوج کے چھ جوان شہید ہوگئے۔

آئی ایس پی آر کے مطابق بلوچستان کے علاقے خوست ہرنائی میں آرمی  ہیلی کاپٹر حادثے میں میجر منیب اور میجر خرم شہزاد شہید ہوگئے۔ شہدا میں نائیک جلیل،صوبیدار عبدالواحد ،سپاہی محمد عمران اور سپاہی شعیب شامل ہیں۔

ترجمان پاک فوج کا کہنا ہے کہ انتالیس سالہ شہید میجر خرم شہزاد کا تعلق اٹک اور تیس سالہ شہید میجر محمد منیب کا تعلق راولپنڈی سے ہے۔ چولیس سالہ صوبیدارعبدالوحید کا تعلق کرک اور سپاہی محمد عمران کا تعلق خانیوال سے ہے۔ شہید ہونے والے نائیک جلیل کا تعلق کھاریاں جبکہ سپاہی شعیب کا تعلق جنڈاٹک  سے ہے۔