کوئٹہ میں خودکش دھماکہ،خاتون،پولیس اہلکارسمیت 5 جاں بحق

کوئٹہ: بلیلی روڈ پر دھماکے میں خاتون سمیت 5افراد جاں بحق جبکہ 17 افراد کے زخمی ہونے کی اطلاعات ہیں۔وزیراعظم شہبازشریف اور وزیرداخلہ رانا ثنا اللہ نے شدید مذمت کرتے ہوئے واقعے کی رپورٹ طلب کرلی۔

پولیس کے مطابق دھماکے کے باعث قریب سے گزرنے والی گاڑی بھی زد میں آ گئی، جس میں سوار خاتون زخمی ہوئی ہیں، پولیس کا کہنا ہے کہ تمام زخمیوں کو طبی امداد کے لیے اسپتال منتقل کر دیا گیا ہے۔

پولیس موقع پر پہنچ گئی جبکہ بم ڈسپوزل اسکواڈ کو بھی موقع پر طلب کیا گیا ہے۔ آئی جی بلوچستان خالق شیخ کا کہنا ہے کہ خودکش دھماکا مبینہ طور پر رکشے کے ذریعے کیاگیا۔دھماکے میں ایک پولیس اہلکار سمیت دو افراد شہید ہوئے۔تین زخمیوں کی حالت تشویشناک ہے۔دھماکے سے زخمی ہونے والے افراد طبی امداد اسپتال سے فارغ کردیا جائے گا۔

وفاقی وزیر داخلہ رانا ثناء اللہ کی جانب سے بلیلی چیک پوسٹ بلوچستان دھماکے کی شدید مذمت کی گئی ہے، انہوں نے کہا کہ دھماکے سے پولیس اہلکاروں اور بچے کی شہادت پر دکھ اور افسوس کا اظہار کیا ہے اور زخمی پولیس اہلکاروں کی جلد صحتیابی کیلئے دعا کی ہے۔

وزیر داخلہ نے کہا کہ دھماکا بظاہرخودکش لگتا ہے۔ بلوچستان حکومت سے وقوعہ کی تفصیلی رپورٹ طلب کی ہے۔ دہشت گردی کا ٹارگٹ پولیس پارٹی تھی۔پولیس شہداء کوخراج عقیدت پیش کرتا ہوں۔ قوم کو ان کی قربانیوں پر فخر ہے۔