جنرل سید عاصم منیر کی ملاقات، آپ کے آرمی چیف بننے پر قوم خوش ہیں، وزیراعظم

اسلام آباد : صدر مملکت اور وزیراعظم سے آرمی چیف جنرل سید عاصم منیر کی ملاقات ہوئی ہے ، آرمی چیف کو عہدہ سنبھالنے پر مبارکباد دی گئی۔ وزیراعظم شہبا شریف کا کہنا تھا کہ پاک فوج کی پیشہ وارانہ صلاحیتوں پر پورا اعتماد ہے۔

ایوان صدر اسلام آباد میں صدر مملکت عارف علوی سے آرمی چیف جنرل عاصم منیر کی ملاقات ہوئی ۔عارف علوی نے آرمی چیف کو عہدہ سنبھالنے پر مبارکباد دی۔صدر مملکت عارف علوی سے چئیرمین جوائنٹ چیف آف سٹاف سحر شمشاد مرزا سے بھی ملاقات ہوئی۔ وزیراعظم شہباز شریف سے عہدہ سنبھالنے کے بعد آرمی چیف جنرل  سید عاصم منیر کی پہلی ملاقات ہوئی۔ وزیراعظم نے عہدے کا چارج لینے پر آرمی چیف کو مبارکباد دی۔ملاقات میں پاک فوج کے پیشہ وارانہ امور پر بات چیت کی گئی

وزیراعظم نے آرمی چیف سے گفتگو کرتے ہوئے کہا کہ پاک فوج کی قیادت کرنا ایک بڑا اعزاز ہے، امید ہے کہ آپ کی قیادت میں مسلح افواج ملکی سیکورٹی کو درپیش چیلنجز کا مزید بہتر طریقے سے مقابلہ کرینگی، وزیراعظم نے کہا کہ پاک فوج کی پیشہ وارانہ صلاحیتوں پر پورا اعتماد ہے،مادر وطن کے تحفظ و سلامتی اور دہشت گردی کے عفریت سے نمٹنے میں پاک فوج کے کردار پر پوری قوم کو فخر ہے۔