کارسرکار مداخلت کے کیس میں عمران خان کی عبوری ضمانت میں توسیع

اسلام آباد : انسداد دہشتگردی کی عدالت نے احتجاجی مظاہرے اور کار سرکار میں مداخلت کے کیس میں عمران خان کی عبوری ضمانت میں 19دسمبر تک توسیع  کردی گئی ہے۔

احتجاجی مظاہرے اور کار سرکار میں مداخلت سے متعلق کیس کی سماعت انسداد دہشتگردی  عدالت کے جج راجہ جواد عباس حسن نے کی۔چیئرمین پی ٹی آئی عمران خان کے وکیل بابر اعوان عدالت میں پیش ہوئے اور سابق وزیر اعظم کی حاضری سے آج کےلئے استثنیٰ کی درخواست دائر کی۔

وکیل بابر اعوان کی جانب سے کہا گیا کہ عمران خان لاہور میں ہیں پیش نہیں ہو سکیں گے۔اس لیے آج حاضری سے استثنیٰ کی اجازت دی جائے۔عدالت نے عمران خان کی آج حاضری سے استثنیٰ کی درخواست منظور کرتے ہوئے سماعت 19 دسمبر تک ملتوی کردی۔