چار سالہ خودساختہ جلاوطنی ختم، سلیمان شہباز وطن واپس پہنچ گئے

چار سالہ خودساختہ جلاوطنی ختم، وزیر اعظم کے صاحبزادے سلیمان شہباز وطن واپس پہنچ گئے۔ سلیمان شہباز اسلام آباد ائیرپورٹ پر پہنچتے ہی نجی طیارے سے لاہور روانہ ہوگئے۔

وزیر خزانہ اسحاق ڈار کے بعد سلیمان شہباز بھی پاکستان واپس پہنچ گئے ہیں ۔ وزیراعظم شہباز شریف کے بیٹے سلیمان شہباز چار سالہ جلاوطنی ختم کرکے رات  ہی وطن واپس پہنچے ہیں۔ سلیمان شہباز سعودی ائیر لائن سے رات1بجکر 05 منٹ پر اسلام آباد ائیرپورٹ پہنچے۔۔جہاں وہ نجی طیارے کے ذریعے لاہور روانہ ہوگئے ہیں۔

سلیمان شہباز نے اسلام آباد ہائیکورٹ سے 13 دسمبر تک حفاظتی ضمانت لے رکھی ہے۔  گرفتاری  روکنے سے متعلق ہائیکورٹ کی جانب سے تحریری حکمنامے میں کہا گیا ہے کہ سلیمان شہباز کی حفاظتی ضمانت کیلئے عدالت پیشی ضروری ہے، سلیمان شہباز 13 دسمبر کو ہائیکورٹ میں سرنڈر کریں۔