ڈیم فنڈ اب بھی محفوظ ہے، پروپیگنڈا بے بنیاد تھا، سابق چیف جسٹس ثاقب نثار

سابق چیف جسٹس ثاقب نثار نے کہا ہے کہ سابق آرمی چیف سے ان کی خواہش پر ملاقات ہوئی جو روایتی تھی۔ڈیم فنڈ اب بھی محفوظ ہے۔ بے بنیاد پروپیگنڈا کیا گیا۔پاکستان تو کیا پوری دنیا کو پانی اور صاف ہوا کی ضرورت ہے۔

سابق چیف جسٹس آف پاکستان جسٹس ثاقب نثار نے نجی ٹی وی چینل سے خصوصی گفتگو میں کہا کہ جنرل ر قمر باجوہ سے ملاقات روایتی تھی،سابق آرمی چیف کی خواہش پر ملاقات ہوئی تھی۔قمر جاوید باجوہ نے کہا کہ صرف آپکی خدمات پر سراہنے کےلیے آیا ہوں۔

ثاقب نثار کا کہنا ہے کہ ابھی پانی سر سے گزرا نہیں، ملکی معیشت کو سہارا چاہیے۔پاکستان کا ہر پیدا ہونے والا بچہ ایک لاکھ سے زائد کا مقروض ہوتا ہے۔میں نے ججمنٹ میں کہا تھا کہ 2050 تک پاکستان کی آبادی 50 کروڑ سے تجاوز کر جائے گی۔جب میں نے آبادی کو کنٹرول کرنے کی بات کی تو مجھ پر فتوے لگنا شروع ہوگئے۔

سابق چیف جسٹس آف پاکستان جسٹس ثاقب نثار کا کہنا تھا کہ جج کو مفاد، مصلحت اور خوف کا شکار نہیں ہونا چاہیے۔اگر جج میں یہ تین خصوصیات ہوں گی تو وہ کبھی بھی غلط فیصلہ نہیں کر سکتا۔قطر میں فیملی کے ساتھ فٹ بال میچ دیکھنے گیا تھا۔ہماری گاڑی چند سیکنڈ کیلئے غلط رکی تو 1000 ریال جرمانہ ہوا۔