بلڈپریشر اور کینسر سمیت 20 ادویات کی قیمتوں میں کمی سفارش

وفاقی وزیر صحت عبدالقادر پٹیل نے وفاقی کابینہ سے بلڈ پریشر۔کینسر اور آنکھوں کی بیماری سمیت 20 ادویات کی قیمتوں میں 30 فیصد کمی کی سفارش کردی۔

عبدالقادر پٹیل کا کہنا ہے کہ مختلف بیماریوں میں استعمال ہونے والی ادویات کی قیمتوں میں کمی لوگوں کو ریلیف فراہم کرنے کی جانب ایک اور قدم ہے۔حکومت عوام کو ریلیف دینے کیلئے موثر اقدامات کو یقینی بنانے کیلئے پر عزم ہے۔ماضی میں پی ٹی آئی کی حکومت نے ادویات کی قیمتوں میں سات سو فی صد تک اضافہ کیا۔عوام کی فلاح وبہبود کیلئے معیاری ادویات کی بلاتعطل فراہمی کو یقینی بنانا ہماری اولین ترجیح ہے۔