پاکستان اور روس میں کسٹم،ڈیٹا شیئرنگ سمیت 3 معاہدوں پر دستخط

اسلام آباد : پاکستان روس بین الحکومتی اجلاس کمیشن کے تین روزہ اجلاس کے بعد مختلف معاہدوں پر دستخط کیئے گئے۔روسی وزیر توانائی کا کہنا ہے کہ پاکستان کے ساتھ تیل و گیس کی ادائیگیوں کے میکانزم پر بات ہوئی ہے۔تیل و گیس کی تجارت سے متعلق اسٹریکچر کو مارچ میں حتمی شکل دے دی جائے گی۔اور ادائیگیاں کسی بھی دوست ملک کی کرنسی میں ہو سکیں گی۔وزیر اقتصادی امور ایاز صادق نے کہاکہ دونوں ممالک کے درمیان معاہدوں سے معاشی فوائد حاصل ہونگے۔

اسلام آباد میں پاکستان اور روس کے درمیان کسٹم سےمتعلق ڈیٹا شیئرنگ سمیت 3معاہدوں پر دستخط کیئے گئے۔معاہدوں کے تحت پاکستان اور روس میں کسٹم امورپر تعاون ہوگا۔پاکستان سول ایوی ایشن اورروس کی ائیر ٹرانسپورٹ ایجنسی کےدرمیان تعاون کے معاہدے پر دستخط ہوئے۔

تقریب کے بعد مشترکہ نیوز کانفرنس کرتے ہوئے روسی وزیر توانائی کا کہنا تھا کہ معاہدوں سے دونوں ممالک کے تعلقات کو مزید فروغ ملے گا۔کہا کہ روس پاکستان میں برآمدی صنعت لگانے، ڈیری کے شعبے میں تعاون بڑھائے گا۔بولے پاکستان اور روس کےدرمیان چھوٹی اور طویل مدتی منصوبوں پر اتفاق کر لیا گیا ہے نہ صرف یہ بلکہ پاکستان کے ساتھ تیل اور گیس کی تجارت سے متعلق اسٹرکچر کو مارت تک حتمی شکل دے دی جائے گی۔

وزیر مملکت برائے پیٹرولیم مصدق ملک نے بتایا کہ انرجی سیکورٹی ،دستیابی،اور دورس معاہدوں کی تشکیل ہوگی۔دورس معاہدوں کا مقصد غریب پر کم سے کم بوجھ آئے۔تیل اور گیس کی قلت کے مسائل سدباب ہوگا۔۔انرجی سیکورٹی سے متعلق تمام انتظامات مکمل کر لئے گئے ہیں۔

وزیر برائے اقتصادی آمور سرادر ایاز صادق کا کہنا تھا کہ پاکستان اور روس کے درمیان معاہدوں سے معاشی فوائد حاصل ہوں گے۔پاکستان اور روس کے درمیان گیس پائپ لائن منصوبے پر غور کیا گیا ۔روس اور پاکستان کے مابین توانائی ،زراعت ،مالیات،تجارت ،سرمایہ کاری اورکسٹم کے شعبوں میں تعاون پر اتفاق ہوا ہے۔