حکومت کی آئی ایم ایف جائزہ مشن کو شرائط پوری کرنے کی یقین دہانی

اسلام آباد : آئی ایم ایف اور پاکستان کے درمیان نویں اقتصادی جائزے کےلئے مذاکرات شروع ہوگئے، عالمی مالیاتی فنڈ کے وفد نے وزیرخزانہ اسحاق ڈار سے ملاقات کی ہے، اسحاق ڈار نے وفد کو معاشی صورتحال پر بریفنگ دی،، مشن چیف نیتھن پورٹر نے کہا کہ امید ہے پاکستان نویں جائزے کی تکمیل کےلیے شرائط  پر پورا اترے گا۔

پاکستان اور آئی ایم ایف کے درمیان مذاکرات پر اعلامیہ جاری کر دیا گیا۔ وزارت خزانہ کی جانب سے جاری اعلامیہ کے مطابق وزیر خزانہ اسحاق ڈار نے آئی ایم ایف وفد کو معاشی صورتحال پر بریفنگ اور معاشی اصلاحات سے آگاہ کیا۔ وزیر خزانہ اسحاق ڈار نے اجلاس کو بریفنگ میں بتایا کہ ماضی میں بھی آئی ایم ایف کا پروگرام کامیابی سے مکمل کیا تھا، موجودہ قرص پروگرام بھی مکمل کریں گے، معاشی اصلاحات کے لیے ہر عزم ہیں، وزیر خزانہ نے نویں اقتصادی جائزے کی تکمیل کیلئے مل کر کام کرنے کا عزم دہراتے ہوئے کہا کہ معاہدے کو مکمل کرنے کیے ہر ممکن تعاون کریں گے، گیس سیکٹر کے گردشی قرضے ختم کے لیے اعلی سطح کی کمیٹی بنائی ہے۔ توانائی شعبے میں اصلاحات متعارف کرائی جارہی ہیں۔ آئی ایم ایف کے مشن چیف نیتھن پورٹر نے کہا کہ امید ہے حکومت پاکستان نویں جائزے کی تکمیل کے لیے شرائط پر پورا اترے گی، توقع ہے کہ پاکستان مختلف شعبوں میں اصلاحات کے لیے پیش رفت جاری رکھے گا، امید ہے پروگرام مقررہ وقت میں موثر طور پر مکمل ہوگا۔ نیتھن پورٹر کا کہنا تھا کہ مالی اصلاحات کے لیے پاکستان کے ساتھ مل کر کام کریں گے۔