پاکستان میں شوال المکرم 1444 ہجری کا چاند نظر نہیں آیا، عیدالفطر ہفتہ کو ہوگی

اسلام آباد: مرکزی رویت ہلال کمیٹی کے مطابق ملک میں شوال المکرم 1444 ہجری کا چاند نظر نہیں آیا، عیدالفطر 22 اپریل 2023 بروز ہفتہ منائی جائے گی۔

رویت ہلال کمیٹی کا اجلاس اسلام آباد میں منعقد ہوا جس کی صدارت مولانا عبدالخبیر آزاد نے کی، جب کہ ملک کے مختلف شہروں میں زونل کمیٹیوں کے اجلاس منعقد ہوئے۔ مركزی اجلاس میں وزارت مذہبی امور، محکمہ موسمیات، محکمہ سپارکو اور وزارت سائنس اینڈ ٹیکنالوجی کے نمائندوں نے شرکت کی۔

چیئرمین رویت ہلال کمیٹی نے بتایا کہ مرکزی کمیٹی کے علاوہ زونل کمیٹیوں اجلاسوں میں بھی ملک کے کسی بھی علاقے سے چاند نظر آنے کی کوئی شہادت موصول نہیں ہوئی۔ لہٰذا اتفاق رائے سے یہ طے پایا ہے کہ پاکستان میں عید الفطر 22 اپریل 2023ء بروز ہفتے کو ہوگی۔

واضح رہے کہ ماہرین موسمیات و فلکیات نے بھی پیش گوئی کر رکھی تھی کہ آج شام عید کا چاند نظر آنے کا امکان نہیں ہے، لہٰذا رمضان المبارک کے 30 روزے مکمل ہونے کے بعد عیدالفطر ہفتہ 22 اپریل 2023 کو منائی جائے گی۔