بیرون ملک جانے کا کوئی ارادہ نہیں، عمران خان

اسلام آباد : سابق وزیراعظم عمران خان نے ایگزٹ کنٹرول لسٹ میں نام ڈالنے پر حکومت کا شکریہ ادا کیا ہے۔

چیئرمین پاکستان تحریک انصاف عمران خان نے اپنے ٹویٹر پیغام میں کہا کہ میری بیرون ملک کوئی جائیداد اور کاروبار نہیں، ملک سے باہر میرا کوئی بینک اکاؤنٹ تک نہیں ہے۔

عمران خان نے کہا کہ ان وجوہات کی وجہ سے میرا باہر جانے کا کوئی ارادہ نہیں تھا، ای سی ایل میں نام ڈالنے پر حکومت کا شکریہ ادا کرتا ہوں

I want to thank the government for putting my name on the ECL as I have no plans to travel abroad, because I neither have any properties or businesses abroad nor even a bank account outside the country.

If and when I do get an opportunity for a holiday, it will be in our…

— Imran Khan (@ImranKhanPTI) May 26, 2023

عمران خان کا کہنا تھا کہ اگر کبھی چھٹیوں پر بھی جانا ہوا تو پاکستان کے شمالی علاقوں میں جاؤں گا جو دنیا میں میری سب سے پسندیدہ جگہ ہے۔

دوسری جانب پیپلزپارٹی کے ترجمان فیصل کریم کنڈی نے نجی ٹی وی چینل سے گفتگو کرتے ہوئے دعوی کیا ہے کہ عمران خان سیاسی پناہ لینے کیلئے امریکہ جائیں گے۔