بھمبر آزادکشمیر میں بھارت کے خلاف احتجاجی ریلیاں, 5 اگست کو یومِ استحصال کے طور پر منایا گیا

بھمبر.مقبوضہ وادی میں بھارت کی طرف سے کرفیو غیرآئینی محاصرہ کے خلاف یوم استحصال کے موقع پروزیراعظم آزادکشمیرچوہدری انوارالحق کے آبائی ضلع کی تینوں تحصیلوں میں بھارت کے خلاف شدید احتجاج کیاگیا. بھارت نے 5 اگست 2019 کو کشمیرکی شناخت ختم کرنے کی مذموم کوشش کی تھی

. ضلعی ہیڈکوارٹرمیں ڈپٹی کمشنرمرز اارشدمحمودجرال کی زیرقیادت بڑی احتجاجی ریلی نکالی گئی ،ایل او سی سماہنی،ایل او سی برنالہ میں ایس ڈی ایم صاحبان بے بڑی ریلیز کی قیادت کی سول سوسائٹی وکلا،بلدیاتی نمائندگان،میڈیا،اساتذہ کرام سمیت تمام مکاتب فکر سے ہزاروں افرادنے شرکت کی.مساجد میں مقبوضہ کشمیر کی آزادی کے حوالہ سے دعائیں کی گئیں.تینوں تحصیلوں میں حکومتی کال کے علاوہ بھی دن بھر سول سوسائٹی ،عوامی احتجاج و بھارت کے خلاف شدیدعوامی احتجاج ہوا،ضلع بھمبر میں بھارت کے خلاف احتجاج،مقبوضہ کشمیر میں کرفیو ختم کرنے کامطالبہ،ضلعی ہیڈکوارٹر میں ڈپٹی کمشنرمرزا ارشدمحمودجرال کی زیرصدارت تقریب،ریلی،دعا،قومی و کشمیری ترانہ پیش،سول و مسلح افواج پاکستان کے شہداء کوسلام،مقبوضہ کشمیر کی آزادی تک جدوجہد جاری رکھنے کا عزم کیاگیا ،تمام مکاتب فکر سے کثیر تعداد میں افراد کی شرکت اور،جذبہ دیدنی تھا۔ہیڈکوارٹر کی مرکزی تقریب میں ڈپٹی کمشنرمرز ارشدمحمود جرال نے 5 اگست 2019 کے بھارتی فیصلہ کو مسترد کیا،آرٹیکل 370 اور 35 اے شق کو بھارت کی طرف سے ظلم قراردیا ،جلد آزادی کا سورج طلوع ہونے کی دعا کی،کرفیو لاک ڈاون کے خاتمہ کا مطالبہ کیا عالمی قراردادوں پرعمل کی اپیل کی

کرفیو لاک ڈاون ختم کرنے کامطالبہ کرتے ہوئے مظاہرین نے بینرزاٹھا کر کہاکہ بھارت دہشتگرد ملک ہے،معصوم کشمیریوں پر ظلم بند کریں۔ایل او سی برنالہ اور سماہنی سیکٹر سے عوام کا عالمی برداری کوپیغام تھا کہ دنیا آنکھیں کھولے ،بے گناہ معصوم بچوں،خواتین،بزرگوں پر ظلم و بربریت بند کی جائے۔احتجاجی مظاہروں کے دوران پولیس،ٹریفک پولیس،جملہ ضلعی ادارہ جات نے بہترین فرائض سرانجام دیئے۔