مردان میں دہشت گردوں کا حملہ، ایس پی ہلاک

خیبر پختونخوا کے شہر مردان میں دہشت گردوں کے حملے میں سپرنٹنڈنٹ پولیس (ایس پی) اعجاز خان شیر پاؤ ہلاک جب کہ ڈی ایس پی سمیت تین اہلکار زخمی ہو گئے ہیں۔

ڈسٹرکٹ پولیس افسر مردان نجیب الرحمٰن کے مطابق مردان کے علاقے پرانہ متہ میں دہشت گردوں کی موجودگی کی اطلاع پر پولیس اہلکار وہاں پہنچے تھے جنہیں دیکھ کر دہشت گردوں نے فائرنگ شروع کر دی۔

ڈی پی او کے مطابق دہشت گردوں کی فائرنگ سے ایس پی اعجاز ہلاک جب کہ ڈی ایس پی سمیت تین اہلکار زخمی ہوئے۔ ان کے بقول پولیس کی جوابی کارروائی میں دو دہشت گرد بھی مارے گئے ہیں۔