بھارت: سپریم کورٹ نے اسلامی مدارس پر پابندی کے حکم پر عمل درآمد معطل کر دیا

بھارت کی اعلیٰ ترین عدالت نے ملک کی سب سے گنجان آباد ریاست اتر پردیش میں اسلامی اسکولوں پر پابندی سے متعلق الہ آباد ہائی کورٹ کے فیصلے پر عمل در آمد روک دیا ہے۔

سپریم کورٹ کا یہ حکم ملک میں قومی انتخابات شروع ہونے سے کچھ دن پہلے سامنے آیا ہے جن میں وزیر اعظم نریندر مودی اور ان کی ہندو قوم پرست بھارتیہ جنتا پارٹی (بی جے پی) تیسری مدت کے لیے امیدوار ہیں۔

عدالت عظمیٰ، الہ آباد ہائی کورٹ کے 22 مارچ کے اس حکم کو کئے گئے چیلنج کا جواب دے رہی تھی جس نے ریاست اتر پردیش میں، جہاں دو کروڑ چالیس لاکھ آبادی کا پانچواں حصہ مسلمان ہے، مدارس کہلائے جانے والے اسکولوں کو چلانے والے 2004 کے قانون کو ختم کر دیا تھا۔

ہائی کورٹ نے یہ کہتے ہوئے کہ یہ قانون آئینی سیکولرازم کی خلاف ورزی ہے، یہ ہدایت بھی دی تھی ان اداروں کے طلباء کو روایتی اسکولوں میں منتقل کیا جائے۔

سپریم کورٹ نے جمعہ کو کہا، “ہمارا خیال ہے کہ درخواستوں میں اٹھائے گئے مسائل تفصیلی طور پر غور طلب ہیں۔”

وکلاء نے کہا کہ اب اس معاملے کی سماعت جولائی میں ہو گی، اور اس وقت تک “سب کچھ معطل رہے گا”۔

مزید خبروں کیلئے وزٹ کریں